കോഴിക്കോട്: എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികളെ കോര്‍പറേഷന്‍ അനുമോദിച്ചു. മികച്ച വിജയം നേടിയ വിദ്യാലയങ്ങളെയും ആദരിച്ചു. കോര്‍പറേഷന്‍ പരിധിയില്‍ 6930 കുട്ടികളാണ് എസ്.എസ്.എല്‍.സിയില്‍ വിജയിച്ചത്. 437 പേര്‍ക്ക് ഫുള്‍ എ പ്ലസ് ലഭിച്ചു.
ഹയര്‍ സെക്കന്‍ഡറിയില്‍ 350 പേരും എ പ്ലസ് നേടി. മുഴുവന്‍ മാര്‍ക്കും നേടിയവര്‍ക്കും നൂറുശതമാനം വിജയം നേടിയ സ്‌കൂളുകള്‍ക്കും പ്രത്യേക ഉപഹാരങ്ങള്‍ നല്‍കി. 95 ശതമാനത്തിനു മുകളില്‍ വിജയം നേടിയ സ്‌കൂള്‍, 90 ശതമാനത്തിനു മുകളില്‍ വിജയം നേടിയ ഹയര്‍ സെക്കന്‍ഡറി എന്നിവയ്ക്കും ഉപഹാരം നല്‍കി.
പരിപാടി മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. കോര്‍പറേഷന്‍ വികസനകാര്യ സ്ഥിരംസമിതി അധ്യക്ഷന്‍ പി.സി രാജന്‍ അധ്യക്ഷനായി.
സ്ഥിരംസമിതി അധ്യക്ഷരായ അനിതാ രാജന്‍, കെ.വി ബാബുരാജ്, ടി.വി ലളിതപ്രഭ, എം.സി അനില്‍കുമാര്‍, ആശാ ശശാങ്കന്‍ ഉപഹാരം നല്‍കി. ഡി.ഡി.ഇ ഡോ. ഗിരീഷ് ചോലയില്‍, ഡയറ്റ് പ്രിന്‍സിപ്പല്‍ പ്രഭാകരന്‍, വിദ്യാഭ്യാസ സ്ഥിരംസമിതി അധ്യക്ഷന്‍ എം. രാധാകൃഷ്ണന്‍, കൗണ്‍സിലര്‍മാരായ നമ്പി ടി. നാരായണന്‍, പി. കിഷന്‍ചന്ദ്, എന്‍.പി പത്മനാഭന്‍, സി അബ്ദുറഹ്്മാന്‍, ഡി.പി.ഒ.എം ജയകൃഷ്ണന്‍, വിദ്യാഭ്യാസ പദ്ധതി കോഡിനേറ്റര്‍ വി.പി രാജീവന്‍ സംസാരിച്ചു.