കോഴിക്കോട്: കഞ്ചാവ് വില്‍പനക്കാരന്‍ 53 ഗ്രാം കഞ്ചാവ് സഹിതം അറസ്റ്റിലായി. പരപ്പില്‍ സൗത്ത് ബീച്ച് റോഡിലെ ചാപ്പയില്‍ ജനതാ ഹൗസില്‍ അറബി സുധീര്‍ എന്ന സുധീര്‍ (49) ആണ് കോറണേഷന്‍ തിയേറ്ററിന് സമീപത്തുവച്ച് എക്‌സൈസിന്റെ പിടിയിലായത്. പ്രതിയെ കോഴിക്കോട് ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി (മൂന്ന്) റിമാന്‍ഡ് ചെയ്തു.
കഴിഞ്ഞ പത്തു വര്‍ഷമായി സൗത്ത് ബീച്ച്, വലിയങ്ങാടി പ്രദേശങ്ങളിലായി ഇയാള്‍ കഞ്ചാവ് വില്‍പന നടത്തിവരികയാണെന്ന് എക്‌സൈസ് അറിയിച്ചു. കോയമ്പത്തൂരില്‍ നിന്നും കാസര്‍കോട്ടെ ഉപ്പളയില്‍ നിന്നും കഞ്ചാവെത്തിച്ച് ചെറിയ പ്ലാസ്റ്റിക് പാക്കറ്റുകളിലാക്കി വില്‍പന നടത്തിവരികയായിരുന്നു പ്രതി. കോഴിക്കോട് റേഞ്ച് അസി. എക്‌സൈസ് ഇന്‍സ്‌പെക്ടര്‍ സാന്റന്‍ സെബാസ്റ്റ്യന്‍ പരിശോധനക്ക് നേതൃത്വം നല്‍കി.