കോയമ്പത്തൂര്‍: എച്ച്‌വണ്‍.എന്‍വണ്‍, ഡങ്കി വയറസ് പ്രതിരോധ പ്രവര്‍ത്തനങ്ങളുടെ ഭാഗമായി കൈ കഴുകല്‍ ക്യാംപയിനിന് ഈറോഡില്‍ തുടക്കമായി. പന്നിപ്പനി, ഡങ്കിപ്പനി പോലെയുള്ള പകര്‍ച വ്യാധികള്‍ പടര്‍ന്നു പിടിക്കാനുള്ള പ്രധാന കാരണം വ്യക്തി ശുചിത്വം പാലിക്കാത്തതാണെന്ന തിരിച്ചറിവാണ് വ്യക്തിശുചിത്വത്തിന്റെ പ്രാധാന്യം ഉയര്‍ത്തിക്കാട്ടി കൈ കഴുകല്‍ ക്യാംപയിനിന് തുടക്കം കുറിക്കാന്‍ കാരണമെന്ന് ആരോഗ്യ പ്രവര്‍ത്തകര്‍ വ്യക്തമാക്കി. ബോധവത്കരണത്തിന്റെ ഭാഗമായി സിറ്റി മുനിസിപ്പല്‍ കോര്‍പ്പറേഷന്‍ പ്രത്യേക ഫ്‌ളക്‌സുകള്‍ സ്ഥാപിച്ചു.
പനി, ചുമ, തൊണ്ട വേദന, ശരീര വേദന എന്നിവ അനുഭവപ്പെട്ടാല്‍ ഉടന്‍ തന്നെ വൈദ്യ സഹായം തേടണമെന്നും ആരോഗ്യ പ്രവര്‍ത്തകര്‍ പറഞ്ഞു.