കോഴിക്കോട്: കോഴിക്കോട് ചെറുവണ്ണൂര്‍ മോഡേണ്‍ ബസാറില്‍ കെ.എസ്.ആര്‍.ടി.സി ബസ്സും സ്‌കൂള്‍ ബസ്സും തമ്മില്‍ കൂട്ടിയിടിച്ച് 20ലധികം പേര്‍ക്ക് പരുക്ക്. വൈകീട്ട് നാലരയോടെയായിരുന്നു അപകടം. അമിതവേഗതയില്‍ വന്ന കെ.എസ്.ആര്‍.ടി.സി ബസ് നിയന്ത്രണംവിട്ട് സ്‌കൂള്‍ ബസ്സിലിടിക്കുകയായിരുന്നു.

പാലക്കാട്ടേക്ക് പോവുകയായിരുന്നു കെ.എസ്.ആര്‍.ടി.സി ബസ്. രാമനാട്ടുകര ഭവന്‍സ് സ്‌കൂളിലെ വിദ്യാര്‍ഥികളെ കയറ്റിയ ബസ്സാണ് അപകടത്തില്‍പ്പെട്ടത്. പരുക്കേറ്റവരെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.