ട്രിനിഡാഡ്: ക്രിക്കറ്റ് പരിശീലക സ്ഥാനത്തു നിന്ന് അനില്‍ കുംബ്ലെ രാജിവച്ചതില്‍ പ്രതികരണവുമായി ക്യാപ്റ്റന്‍ വിരാട് കോഹ്‌ലി. രാജിവയ്ക്കാനുള്ള തീരുമാനത്തെ ബഹുമാനിക്കുന്നുവെന്ന് കോഹ്‌ലി പറഞ്ഞു.

ഡ്രസിങ് റൂമിലെ ചര്‍ച്ചകള്‍ പുറത്തുപറയാനാവില്ല. അതിലെ രഹസ്യം സൂക്ഷിക്കുകയെന്നത് വളരെ പ്രധാനമാണെന്നും കോഹ്‌ലി പറഞ്ഞു. വെസ്റ്റിന്‍ഡീസിനെതിരായ പരമ്പരയ്ക്കു മുന്നോടിയായി ട്രിനിഡാഡില്‍ നടന്ന വാര്‍ത്താസമ്മേളനത്തില്‍ സംസാരിക്കുകയായിരുന്നു കോഹ്‌ലി.

കോഹ്‌ലിയുമായുള്ള ഭിന്നസ്വരത്തെ തുടര്‍ന്നാണ് കുംബെയ്ക്ക് രാജിവയ്‌ക്കേണ്ടി വന്നത്. എന്നാല്‍ രാജിക്കു പിന്നാലെ ക്രിക്കറ്റ് ലോകം കോഹ്‌ലിക്കു നേരെ തിരിഞ്ഞു. നടക്കുന്നത് എന്താണെന്നറിയാന്‍ ക്രിക്കറ്റ് പ്രേമികള്‍ക്ക് താല്‍പര്യമുണ്ടെന്ന രീതിയില്‍ സുനില്‍ ഗവാസ്‌കര്‍ പ്രതികരിച്ചിരുന്നു.