കണ്ണൂര്‍: രണ്ടു ദിവസമായി കണ്ണൂര്‍ നവനീതം ഓഡിറ്റോറിയത്തില്‍ നടന്നുവരുന്ന പൊലിസ് അസോസിയേഷന്‍ ജില്ലാ സമ്മേളനം ഇന്ന് സമാപിക്കും. ഇന്നലെ സമ്മേളനം ഹെഡ്ക്വാട്ടേഴ്‌സ് എ.ഡി.ജി.പി ടോമിന്‍ ജെ. തച്ചങ്കേരി ഉദ്ഘാടനം ചെയ്തു. കെ.പി.എ ജില്ലാ പ്രസി. പി.വി രാജേഷ് അധ്യക്ഷനായി. ജില്ലാ പൊലിസ് മേധാവി ജി. ശിവവിക്രം, ഡി.എച്ച്.ക്യൂ ഡെപ്യൂട്ടി കമാന്‍ഡന്റ് ടി.കെ സാഗുല്‍, ഡിവൈ.എസ്.പിമാരായ പി.പി സദാനന്ദന്‍, ടി.എസ് ബൈജു, കെ.വി വേണുഗോപാല്‍, എം.പി വിനോദ്, ടി. ഷംസുദീന്‍, കെ. പ്രിയേഷ് സംസാരിച്ചു.

ചുവപ്പില്‍ കുളിച്ച് സമ്മേളന നഗരി

കണ്ണൂര്‍: സംസ്ഥാനത്തെ ഏക പൊലിസ് സംഘടനയായ കേരളാ പൊലിസ് അസോസിയേഷന്റെ നിറം നീലയെന്നിരിക്കെ സമ്മേളനത്തിനു തോരണവും സ്റ്റേജും കൈയടക്കിയത് ചുവപ്പു നിറം. തോരണങ്ങള്‍, സ്റ്റേജ്, നോട്ടിസ്, പോസ്റ്റര്‍ എന്നിവയിലെല്ലാം ചുവപ്പു നിറത്താല്‍ തുടുത്തു. ഔദ്യോഗിക നിറമായ നീല പേരിനുപോലും ഉപയോഗിച്ചില്ലെന്നതാണ് പ്രധാനം. ഇതിനെതിരേ അസോസിയേഷനില്‍ തന്നെ എതിരഭിപ്രായം ഉയര്‍ന്നിരിക്കുകയാണ്