തലശ്ശേരി: ബ്ലോക്ക് പഞ്ചായത്തിലെ പത്താം വാര്‍ഡായ ധര്‍മടം, പയ്യാവൂര്‍ ഗ്രാമപഞ്ചായത്തിലെ ഒന്‍പതാം വാര്‍ഡായ ചമതച്ചാല്‍ എന്നിവിടങ്ങളിലേക്ക് ജൂലൈ 18ന് ഉപതെരഞ്ഞെടുപ്പ് നടക്കും. തെരഞ്ഞെടുപ്പ് വിജ്ഞാപനം ഇന്ന് പുറപ്പെടുവിക്കും. 30 വരെ നാമനിര്‍ദേശപത്രിക സമര്‍പ്പിക്കാം. പത്രികകളുടെ സൂക്ഷ്മപരിശോധന ജൂലൈ ഒന്നിന് നടക്കും. ജൂലൈ മൂന്നുവരെ സ്ഥാനാര്‍ഥിത്വം പിന്‍വലിക്കാം. വോട്ടെണ്ണല്‍ 19ന് തലശ്ശേരി ബ്രണ്ണന്‍ കോളജ് ഓഡിറ്റോറിയം, പയ്യാവൂര്‍ ഗ്രാമപഞ്ചായത്ത് ഹാള്‍ എന്നിവിടങ്ങളില്‍ നടക്കും. ഉപതെരഞ്ഞെടുപ്പിന്റെ നടത്തിപ്പുമായി ബന്ധപ്പെട്ട് ഇലക്ഷന്‍ ഡെപ്യൂ
ട്ടി കലക്ടര്‍ സി.എം ഗോപിനാഥന്റെ അധ്യക്ഷതയില്‍ ചേര്‍ന്ന യോഗത്തില്‍ വരണാധികാരികളായ തലശ്ശേരി സബ് കലക്ടര്‍ എസ്. ചന്ദ്രശേഖരന്‍, തലശ്ശേരി സോയില്‍ കണ്‍സര്‍വേഷന്‍ ഓഫിസര്‍ എച്ച്. അബ്ദുള്‍ ഗഫൂര്‍ സംസാരിച്ചു.