ആലക്കോട്: ആലക്കോട് സെന്റ് മേരീസ് ദേവാലയത്തിനു സമീപം ഇന്നലെ ഉച്ചക്ക് രണ്ടോടെ കാറുകള്‍ കൂട്ടിയിടിച്ച് അപകടം. കരുവഞ്ചാല്‍ ഭാഗത്തു നിന്നു വന്ന കാര്‍ എതിര്‍ദിശയില്‍ നിന്നു വരികയായിരുന്ന മറ്റൊരു കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ കാറുകളുടെ മുന്‍ വശം പൂര്‍ണമായും തകര്‍ന്നു. ഡ്രൈവര്‍ ഉള്‍പ്പെടെയുള്ള യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. ആലക്കോട് പൊലിസ് സ്ഥലത്തെത്തിയാണ് വാഹനങ്ങള്‍ നിന്നു നീക്കിയത്.