തിരുവനന്തപുരം: താലികെട്ടിന് പിന്നാലെ നവദമ്പതികളായ ശ്യാമിലിയും അനൂപും ആദ്യമെത്തിയത് പോളിങ് ബൂത്തില്‍. വട്ടിയൂര്‍ക്കാവ് മണ്ഡലത്തിലെ 41ാം നമ്പര്‍ ബൂത്തായ വേറ്റിക്കോണം എല്‍.പി സ്‌കൂളിലാണ് ശ്യാമിലി വരന്‍ അനൂപിനൊപ്പം വോട്ട് ചെയ്യാനെത്തിയത്.
ഇന്നലെ ഉച്ചയ്ക്ക് 12.10നും 12.40നും ഇടയിലുള്ള മുഹൂര്‍ത്തത്തില്‍ നെട്ടയം ഇരുകുന്നം മുടിപ്പുര ദേവീക്ഷേത്രം ഓഡിറ്റോറിയത്തിലായിരുന്നു ഇവരുടെ വിവാഹം.
10.30ന് മണ്ഡപത്തിലേക്ക് എത്തുന്ന വഴിയ്ക്ക് അനുപ് കുടപ്പനകുന്ന് സ്‌കൂളില്‍ വോട്ട് ചെയ്തു. രാവിലെ തിരക്കായതിനാല്‍ വരന്റെ വീട്ടിലേക്കു പോകുംവഴിയാണ് ശ്യാമിലി വോട്ട് ചെയ്യാനെത്തിയത്.