കോഴിക്കോട്: ചാര്‍ജ്ജ് വര്‍ധിപ്പിക്കുക, വിദ്യാര്‍ഥികളുടെ യാത്രാനിരക്ക് വര്‍ധിപ്പിക്കുക തുടങ്ങിയ ആവശ്യങ്ങളുന്നയിച്ച് നവംബര്‍ 20ന് സൂചനാ പണിമുടക്ക് നടത്തുമെന്ന് സ്വകാര്‍ ബസ് ഓപറേറ്റേഴ്‌സ് ഫെഡറേഷന്‍ നേതാക്കള്‍ വാര്‍ത്താസമ്മേളനത്തില്‍ പറഞ്ഞു.

ആവശ്യങ്ങളിന്‍മേല്‍ അനുകൂല നിലപാടില്ലെങ്കില്‍ അനിശ്ചിത കാല സമരം ആരംഭിക്കുമെന്നും അവര്‍ കൂട്ടിച്ചേര്‍ത്തു. മിനിമം ചാര്‍ജ്ജ് 10 രൂപയാക്കുക, വിദ്യാര്‍ഥികളുടെ യാത്രാനിരക്ക് 50 ശതമാനമെങ്കിലും വര്‍ധിപ്പിക്കുക, പുതിയ ഗതാഗത നയം രൂപീകരിക്കുക, കെ.എസ്.ആര്‍.ടി.സിയിലും വിദ്യാര്‍ഥികള്‍ക്ക് കണ്‍സഷന്‍ അനുവദിക്കുക എന്നിവയും സംഘടനയുടെ പ്രധാന ആവശ്യമാണ്.