കൊല്‍ക്കത്ത: ഐസ്വാളിനെ കന്നി ഐ ലീഗ് കിരീടത്തിലേക്ക് നയിച്ച ഖാലിദ് ജമീല്‍ റെക്കോര്‍ഡ് പ്രതിഫലത്തിന് ഈസ്റ്റ് ബംഗാളിന്റെ പുതിയ പരിശീലകനായി ചുമതലയേറ്റു. 2017-18 സീസണിലേക്കാണ് ഖാലിദിന്റെ നിയമനം. 1.25 കോടി പ്രതിഫലം വാഗ്ദാനം നല്‍കിയാണ് കൊല്‍ക്കത്തന്‍ കരുത്തര്‍ ഖാലിദിനെ സ്വന്തം പാളയത്തിലെത്തിച്ചത്. ഇന്ത്യന്‍ ഫുട്‌ബോളില്‍ ഏറ്റവും കൂടുതല്‍ പ്രതിഫലം പറ്റുന്ന പരിശീലകനായി ഇതോടെ മുന്‍ ഐസ്വാള്‍ കോച്ച് മാറി.