സിയോള്‍: പുറത്താക്കപ്പെട്ട ദക്ഷിണ കൊറിയന്‍ പ്രസിഡന്റ് പാര്‍ക്ക് ഗ്വന്‍ ഹെയുടെ സുഹൃത്ത് ചോയി സൂന്‍ സില്ലിന് മൂന്നു വര്‍ഷം തടവ്. പ്രസിഡന്റുമായുള്ള അടുപ്പം മുതലാക്കി സര്‍ക്കാരിന്റെ തന്ത്രപ്രധാന ഔദ്യോഗിക രേഖകള്‍ പരിശോധിക്കുകയും സന്നദ്ധസംഘടന വഴി അനധികൃതമായി പണം സമ്പാദിക്കുകയും ചെയ്‌തെന്നായിരുന്നു ഇവര്‍ക്കെതിരായ ആരോപണം.

ഉറ്റസുഹൃത്തിന് സര്‍ക്കാരിന്റെ ഔദ്യോഗിക രേഖകള്‍ പരിശോധിക്കാന്‍ അനുവാദം നല്‍കുകയും അനധികൃതമായി പണം സമ്പാദിക്കാന്‍ കൂട്ടുനില്‍ക്കുകയും ചെയ്തുവെന്ന ആരോപണത്തില്‍ പ്രസിഡന്റിനെ ദക്ഷിണ കൊറിയ പുറത്താക്കിയിരുന്നു. ചോയി ഗേറ്റ് എന്ന പേരിലാണ് വിവാദം അറിയപ്പെടുന്നത്. ഔദ്യോഗിക പദവിലില്ലാത്ത ചോയിക്ക് രേഖകള്‍ പരിശോധിക്കാന്‍ നല്‍കൂ എന്ന് പ്രസിഡന്റ് ഉത്തരവിട്ടതാണ് വിവാദമായത്.

2018 ഫെബ്രുവരി വരെയായിരുന്നു പാര്‍ക്കിന്റെ പ്രസിഡന്റ് പദവിയിലുള്ള കാലാവധി. കേസില്‍ സാംസങ് മേധാവി ലീ ജെ യോങ്ങും അറസ്റ്റിലായിരുന്നു.