വാളയാര്‍: റെയിഞ്ച് എക്‌സൈസ് വകുപ്പ് നടത്തിയ പരിശോധനയില്ഡ രേഖകളില്ലാതെ കടത്തുകയായിരുന്ന ആഭരണങ്ങള്‍ പിടിച്ചെടുത്തു. വാളയാര്‍ ടോള്‍ പ്ലാസയില്‍ വാഹന പരിശോധനക്കിടെ കെ.എസ്.ആര്‍.ടി.സി ബസില്‍ യാത്ര ചെയ്യുകയായിരുന്ന തൃശൂര്‍ സ്വദേശി ചിറ്റിശ്ശേരി വെളിയന്‍കോടന്‍ സൂര്യന്‍ മകന്‍ സുജീഷ് (3ക) ആണ് എക്‌സൈസ് പിടിയിലായത്.
ഇയാളുടെ പക്കല്‍ നിന്നും 3.500 കി.ഗ്രാം വെള്ളി അഭരണങ്ങളും വെള്ളി പാത്രങ്ങളും കണ്ടെടുത്തു. അറസ്റ്റ് ചെയ്യത ശേഷം പ്രതിയെ ജി.എസ്.ടി ഡിപ്പാര്‍ട്ടമെന്റിന് കൈമാറി. എക്‌സൈസ് കമ്മിഷണറുടെയും പാലക്കാട് ഡെപ്യൂട്ടി എക്‌സൈസ് കമ്മിഷണറുടെയും അസിസ്റ്റന്റ് എക്‌സൈസ് കമ്മിഷണറുടെയും നിര്‍ദേശത്തെ തുടര്‍ന്ന് നടത്തിയ വാഹന പരിശോധനയിലാണ് ഇയാളെ പിടികൂടാനായത്. റെയ്ഡില്‍ എക്‌സൈസ് ഇന്‍സ്‌പെക്ടര്‍ വി. ബാലസുബ്രഹ്മണ്യന്‍, പ്രിവന്റീവ് ഒഫീസര്‍ പി.എം.ഷാനവാസ്, സിവില്‍ എക്‌സൈസ് ഒഫിസര്‍മാരായ ഇ.ആര്‍. രാജേഷ്, പി.പ്രശാന്ത്, ഡ്രൈവര്‍ രാമു പങ്കെടുത്തു.