പനാജി: മുഖ്യമന്ത്രിയുടെ അസാന്നിധ്യത്തില്‍ ഗോവയില്‍ ഭരണ പ്രതിസന്ധിയെന്നു ബി.ജെ.പിയുടെ സഖ്യകക്ഷിയായ മഹാരാഷ്ട്രാ ഗോമന്തക് പാര്‍ട്ടി.
കാന്‍സറിനെ തുടര്‍ന്നു ചികിത്സയില്‍ കഴിയുന്ന മുഖ്യമന്ത്രി മനോഹര്‍ പരീക്കര്‍ എട്ടു മാസമായി ഔദ്യോഗികരംഗത്തുനിന്നു വിട്ടുനില്‍ക്കുകയാണ്.
ഈ സാഹചര്യത്തില്‍ ഭരണ പ്രതിസന്ധി ഇല്ലാതാക്കാന്‍ ഭരണം മറ്റാര്‍ക്കെങ്കിലും കൈമാറണമെന്നു ബി.ജെ.പിയുടെ സഖ്യകക്ഷിയായ മഹാരാഷ്ട്രാ വാദി ഗോമന്തക് പാര്‍ട്ടി (എം.ജി.പി) അധ്യക്ഷന്‍ ദീപക് ദേവാലികര്‍ ആവശ്യപ്പെട്ടു. അസുഖബാധിതനായ മുഖ്യമന്ത്രി രാജിവയ്ക്കണമെന്നു കോണ്‍ഗ്രസ് ആവശ്യപ്പെട്ടതിനു പിന്നാലെയാണ് സഖ്യകക്ഷിയും ഭരണം മാറ്റാര്‍ക്കെങ്കിലും നല്‍കണമെന്ന ആവശ്യവുമായി രംഗത്തെത്തിയത്.