തിരുവനന്തപുരം : പെരിങ്ങമ്മലയുടെ ജൈവകലവറയെ സംരക്ഷിക്കാന്‍ നിര്‍ദ്ദിഷ്ട മാലിന്യപ്ലാന്റ് പദ്ധതി ഉപേക്ഷിക്കണമെന്ന് പാണക്കാട് സാദിഖലി ഷിഹാബ് തങ്ങള്‍ പറഞ്ഞു.
പന്നിയോട്ട്കടവ് സമരപന്തല്‍ സന്ദര്‍ശിച്ച് സമരക്കാര്‍ക്ക് ഐക്യദാര്‍ഢ്യം പ്രഖ്യാപിക്കാന്‍ എത്തിയതായിരുന്നു അദ്ദേഹം. പ്രദേശത്തെ പ്രാധാന്യം മനസ്സിലാക്കാന്‍ സര്‍ക്കാര്‍ പഞ്ചായത്തിന്റെ ജൈവ വൈവിധ്യ രജിസ്റ്റര്‍ പഠിക്കണമെന്നും തങ്ങള്‍ പറഞ്ഞു.മുസ്‌ലിം ലീഗ് സംസ്ഥാന സെക്രട്ടറി ബീമാപ്പള്ളി റഷീദ്, യൂത്ത്‌ലീഗ് സംസ്ഥാന വൈസ് പ്രസിഡന്റ് സുള്‍ഫിക്കര്‍ സലാം, മുസ്‌ലിം ലീഗ് ജില്ലാ നേതാക്കളായ തോന്നയ്ക്കല്‍ ജമാല്‍, കണിയാപുരം ഹലീം, എം.കെ സലീം , ഇടവം ഖാലിദ് സംബന്ധിച്ചു.