റിയാദ്: കെ.എം.സി.സി റിയാദ് സെന്‍ ട്രല്‍ കമ്മിറ്റി സംഘടിപ്പിക്കുന്ന മെഗാ ഈവെന്റ് സീസണ്‍ 4 ന്റെ ഭാഗമായി നടത്തിയ ഖുര്‍ആന്‍ പാരായണ മത്സരത്തില്‍ ജനറല്‍ വിഭാഗത്തില്‍ സുഹൈല്‍ സിദ്ദീഖും ജൂനിയര്‍ വിഭാഗത്തില്‍ മുഹമ്മദ് അമാന്‍ ഇല്യാസും ഒന്നാം സ്ഥാനം കരസ്ഥമാക്കി. മറ്റു വിജയികള്‍: സീനിയര്‍: ആദില്‍ ഹുസൈന്‍ (രണ്ടാം സ്ഥാനം), ആഷിഖ് അബ്ദുല്‍ റഷീദ് (മുന്നാം സ്ഥാനം, ജൂനിയര്‍: അഹമ്മദ് ഫായിസ് (രണ്ടാം സ്ഥാനം), മുഹമ്മദ് അസ് ലം (മൂന്നാം സ്ഥാനം).

[caption id="attachment_786632" align="aligncenter" width="630"] ചിത്രം: റിയാദ് കെ.എം.സി.സി സെന്‍ ട്രല്‍ കമ്മിറ്റി സംഘടിപ്പിക്കുന്ന മെഗാ ഈവെന്റെ സീസണ്‍ 4 ന്റെ ഭാഗമായി നടന്ന ഖുര്‍ ആന്‍ പാരായണ മത്സരം മുസ് ലീം ലീഗ് മലപ്പുറം മണ്ഡലം സെക്രട്ടറി പി.എ സലാം ഉദ്ഘാടനം ചെയ്യുന്നു.[/caption]

ബത്ഹ അപ്പോളോ ഡിമോറ ഓഡിറ്റോറിയത്തില്‍ നടന്ന മത്സരത്തില്‍ നൂറിലധികം പേര്‍ പങ്കെടുത്തു. സിയാദ് റഷാഫി, സഹല്‍ ഹാദി എന്നിവര്‍ മത്സരത്തിന്റെ വിധി കര്‍ത്താക്കളായിരുന്നു. അബ്ദുല്‍ മജീദ് പയ്യന്നൂര്‍ അധ്യക്ഷത വഹിച്ചു. മലപ്പുറം മണ്ഡലം മുസ് ലീം ലീഗ് സെക്രട്ടറി പി.എ.സലാം ഉദ്ഘാടനം ചെയ്തു. മന്‍സൂര്‍ പള്ളിമുക്ക്, സി.പി.മുസ്തഫ, എം.മൊയ്തീന്‍ കോയ, അബ്ദുസലാം തൃക്കരിപ്പൂര്‍, ജലീല്‍ തിരൂര്‍ എന്നിവര്‍ സംസാരിച്ചു. കെ.ടി.അബൂബക്കര്‍, കബീര്‍ വൈലത്തൂര്‍, നാസര്‍ മാങ്കാവ്, സൈബര്‍ വിംഗ് ഭാരവാഹികള്‍ എന്നിവര്‍ പരിപാടിക്ക് നേതൃത്വം നല്‍ കി.മുസ്തഫ ചീക്കോട് സ്വാഗതവും ബാവ താനൂര്‍ നന്ദിയും പറഞ്ഞു. മത്സരത്തില്‍ പങ്കെടുത്ത മുഴുവനാളുകള്‍ക്കും പ്രോത്സാഹന സമ്മാനങ്ങള്‍ വിതരണം ചെയ്തു.