നടുവില്‍: രണ്ടുദിവസം മുന്‍പ് കുടിയാന്‍മല പൊലിസ് സ്റ്റേഷനില്‍ ഡിവൈ.എസ്.പിയുടെ നേതൃത്വത്തില്‍ നടന്ന സമാധാന യോഗത്തിന് ശേഷവും വിളക്കണ്ണൂരില്‍ സി.പി.എം ആക്രമണം. അക്രമത്തില്‍ പരുക്കേറ്റ യൂത്ത് ലീഗ് ശാഖാ ട്രഷറര്‍ കറുത്താണ്ടീരകത്ത് ജബ്ബാറിനെ (27) തളിപ്പറമ്പ് ലൂര്‍ദ് ആശുപത്രിയില്‍ പ്രവേശിപ്പിച്ചു. കരുവഞ്ചാലില്‍ നിന്ന് വിളക്കണ്ണൂരിലെ വീട്ടിലേക്ക് മോട്ടോര്‍ ബൈക്കില്‍ വരുമ്പോള്‍ വിളക്കണ്ണൂര്‍ ടൗണില്‍ വച്ച് സി.പി.എം ബ്രാഞ്ച് സെകട്ടറി മാത്യു പുറങ്ങനാലിന്റെ നേതൃത്വത്തില്‍ ഇരുപതോളം പേരാണ് ജബ്ബാറിനെ ആക്രമിച്ചത്. കൈവശമുണ്ടായിരുന്ന 45000 രൂപയും തട്ടിയെടുക്കുകയും ചെയ്തു. പരുക്കേറ്റ് ആശുപത്രിയില്‍ കഴിയുന്ന ജബ്ബാറിനെ ഇരിക്കൂര്‍ മണ്ഡലം മുസ്‌ലിം ലീഗ് ജനറല്‍ സെക്രട്ടറി ടി.എന്‍.എ ഖാദര്‍, എന്‍.യു അബ്ദുല്ല സന്ദര്‍ശിച്ചു.