എരുമപ്പെട്ടി: മുസ്‌ലിം ലീഗ് കടങ്ങോട് പഞ്ചായത്ത് കമ്മിറ്റിയുടേയും ശിഹാബ് തങ്ങള്‍ റിലീഫ് സെല്ലിന്റേയും കെ.എം.സി.സിയുടേയും സംയുക്താഭിമുഖ്യത്തില്‍ ശിഹാബ് തങ്ങള്‍ അനുസ്മരണം, പെരുന്നാള്‍ കിറ്റ് വിതരണം, ചികിത്സാ സഹായം കൈമാറല്‍ എന്നിവ സംഘടിപ്പിച്ചു. മുസ്‌ലിം ലീഗ് ജില്ലാ ജനറല്‍ സെക്രട്ടറി ഇ.പി കമറുദ്ദീന്‍ ഉദ്ഘാടനം ചെയ്തു.
കെ.എം.സി.സി. ജില്ല വൈസ് പ്രസിഡന്റ് ശംസുദ്ദീന്‍ ആദൂര്‍ പെരുന്നാള്‍ കിറ്റ് വിതരണം നടത്തി. ശിഹാബ് തങ്ങള്‍ റിലീഫ് സെല്‍ ചെയര്‍മാന്‍ ഗഫൂര്‍ കടങ്ങോട് ചികിത്സാ സഹായം കൈമാറി.
ചടങ്ങില്‍ മുസ്‌ലിം ലീഗ് പഞ്ചായത്ത് കമ്മിറ്റി പ്രസിഡന്റ് കെ.സി.മൊയ്തുട്ടി അധ്യക്ഷനായി. കുന്നംകുളം മണ്ഡലം കമ്മിറ്റി പ്രസിഡന്റ് ലത്തീഫ് പഴുന്നാന,  മണ്ഡലം സെക്രട്ടറി ഉസ്മാന്‍ കല്ലാട്ടയില്‍, കരീം പന്നിത്തടം, പി.കെ. മനാഫ്, ഇസ്മയില്‍ മാളിയേക്കല്‍ സംസാരിച്ചു.