കോഴിക്കോട്: പാലക്കാട്ട് മാവോയിസ്റ്റുകളെ കൊലപ്പെടുത്തിയ പൊലിസ് നടപടിയില്‍ പ്രതിഷേധിച്ച് കോഴിക്കോട് പ്രതിഷേധ പ്രകടനം നടത്തിയവരെ അറസ്റ്റ് ചെയ്തു. പ്രകടനത്തില്‍ പങ്കെടുത്ത ഇരുപതോളം പേര്‍ക്കെതിരേയാണ് ടൗണ്‍ സി.ഐ ഉമേഷിന്റെ നേതൃത്വത്തില്‍ കേസെടുത്തിരിക്കുന്നത്. ഇന്നലെ വൈകിട്ടോടെയാണ് സംഭവം.

പിണറായി സര്‍ക്കാരിനെതിരെയും മാവോയിസ്റ്റ് വേട്ടക്കായി നിയോഗിച്ച തണ്ടര്‍ ബോള്‍ട്ട് സേനാവിഭാഗത്തിനെതിരേയും മുദ്രാവാക്യം വിളിച്ചാണ് ഇവര്‍ പ്രതിഷേധം നടത്തിയത്. അതേസമയം പ്രതിഷേധ പ്രകടനങ്ങള്‍ക്ക് നിരോധനമുള്ള നവീകരിച്ച മിഠായിത്തെരുവില്‍ സമരം നടത്തിയതിനാണ് കേസെടുത്തതെന്ന് പൊലിസ് അറിയിച്ചു. ഇവരെ പിന്നീട് സ്റ്റേഷന്‍ ജാമ്യത്തില്‍ വിട്ടയച്ചു.