കല്‍പ്പറ്റ: വയനാട് ജില്ലയില്‍ വിവിധ വകുപ്പില്‍ എല്‍.ഡി.ടൈപ്പിസ്റ്റ് ഒ.എം.ആര്‍ പരീക്ഷയുടെ അടിസ്ഥാനത്തില്‍ യോഗ്യരായ ഉദ്യോഗാര്‍ഥികളെ ഉള്‍പ്പെടുത്തി ഓഗസ്റ്റ് ഒന്നിന് പ്രസിദ്ധീകരിച്ച സാധ്യതാ പട്ടികയില്‍ ഉള്‍പ്പെട്ടവര്‍ക്കുള്ള ഒറ്റത്തവണ സര്‍ട്ടിഫിക്കറ്റ് പരിശോധന ഓഗസ്റ്റ് 8, 9 തിയതികളിലായി പബ്ലിക് സര്‍വിസ് കമ്മിഷന്‍ ജില്ലാ ഓഫിസില്‍ നടക്കും. ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്ക് പ്രൊഫൈല്‍ മെസേജും എസ്.എം.എസും നല്‍കിയിട്ടുണ്ട്. കാറ്റഗറി നമ്പര്‍ 38814 പ്രകാരം എല്‍.ഡി.ടൈപ്പിസ്റ്റ് തസ്തികയുടെ വേരിഫിക്കേഷന് ഹാജരായി പി.സി.എന്‍ ലഭിച്ചവര്‍ ക്ലാര്‍ക്ക് ടൈപ്പിസ്റ്റ് തസ്തികയുടെ വേരിഫിക്കേഷന് ഹാജരാകേണ്ടതില്ല. അല്ലാത്ത ഉദ്യോഗാര്‍ഥികള്‍ അവരവരുടെ പ്രൊഫൈലില്‍ നിശ്ചിത രേഖകള്‍ സ്‌കാന്‍ ചെയ്ത് അപ്‌ലോഡ് ചെയ്ത് നിശ്ചിത തിയതിയിലും സമയത്തും ഹാജരാകണം.