വാടാനപ്പള്ളി: ഓടിക്കൊണ്ടിരിക്കുന്ന ബൈക്കിന് മുകളില്‍ തെങ്ങ് വീണ് യുവാവിന് പരുക്ക്. വാടാന്നപ്പള്ളി ബീച്ച് വ്യാസനഗറിന് സമീപം താമസിക്കുന്ന കൊല്ലങ്കേരി കബീറിന്റെ മകന്‍ അബ്ദുള്‍ വാജിത് (20) നാണ് പരുക്കേറ്റത്.
ഇന്നലെ ഉച്ചക്ക് രണ്ടരയോടെ മാതാവുമായി ബൈക്കില്‍ വീട്ടിലേക്ക് വരുമ്പോള്‍ വീടിന് സമീപത്ത് വച്ചായിരുന്നു അപകടം. അപകട സമയത്ത് മാതാവ് ബൈക്കിന് പുറകില്‍ ഉണ്ടായിരുന്നുവെങ്കിലും പരുക്ക് പറ്റിയില്ല. ബൈക്ക് ഓടിച്ചിരുന്ന അബ്ദുള്‍ വാജിദീന്റെ തലയിലാണ് തെങ്ങ് വീണത്.
കൂടെ ഉണ്ടായിരുന്ന മാതാവ് ബഹളം വച്ച തിനെ തുടര്‍ന്ന് ഓടിയെത്തിയ നാട്ടുകാരാണ് തെങ്ങിനിടയില്‍ കുടുങ്ങിയ അബ്ദുള്‍ വാജിദിനെ പുറത്തെടുത്തത്. തുടര്‍ന്ന് വാടാനപ്പള്ളി ആക്ട്‌സ് പ്രവര്‍ത്തകര്‍ തൃശ്ശൂള്‍ വെസ്റ്റ് ഫോര്‍ട്ട് ഹൈടെക് ആശുപത്രിയിലെത്തിച്ചു. തലക്ക് ഗുരുതരമായി പരുക്കേറ്റ അബ്ദുള്‍ വാജിദ് തീവ്രപരിചരണ വിഭാഗത്തില്‍ ചികിത്സയിലാണ്.