മുംബൈ: സ്വന്തം സഹോദരിയുടെ നഗ്നദൃശ്യങ്ങള്‍ കാമുകനുമായി പങ്കുവച്ച യുവതിയെ പൊലിസ് അറസ്റ്റ് ചെയ്തു. മുംബൈയിലെ അഗ്രിപാദ സ്വദേശിനിയായ 25കാരിയെയാണ് പൊലിസ് അറസ്റ്റ് ചെയ്തത്. 20 വയസ്സുള്ള സഹോദരി കുളിക്കുന്ന ദൃശ്യങ്ങളാണ് യുവതി വിവാഹിതനായ കാമുകനുമായി പങ്കുവച്ചത്.

വാട്‌സ് ആപ്പ് വീഡിയോ കോള്‍ ഉപയോഗിച്ച് സംസാരിക്കുന്നതിനിടെ ഇവര്‍ സഹോദരി കുളിക്കുന്ന ദൃശ്യങ്ങളും കാമുകനുമായി പങ്കുവക്കുകകയായിരുന്നു. ഈ സമയം ദൃശ്യങ്ങള്‍ സ്‌ക്രീന്‍ ഷോട്ടെടുത്ത് സൂക്ഷിച്ച ഇയാള്‍ പിന്നീട് അത് യുവതിയുടെ കുടുംബങ്ങള്‍ക്ക് തന്നെ അയച്ചുനല്‍കി. നവരാത്രി ആഘോഷ ദിവസം കാമുകിയുടെ സഹോദരിയുമായുണ്ടായ ചെറിയ വാക്കുതര്‍ക്കത്തിന്റെ പ്രതികാരമായാണ് ഇയാള്‍ നഗ്നദൃശ്യങ്ങള്‍ പ്രചരിപ്പിച്ചതെന്നാണ് ലഭിക്കുന്ന സൂചന.

സഹോദരിയുടെ ചിത്രങ്ങള്‍ അയച്ചുതന്നാല്‍ നിന്നെ കല്യാണം കഴിക്കാമെന്ന് ഇയാള്‍ യുവതിക്ക് വാക്കുനല്‍കിയിരുന്നതായും പറയുന്നു. യുവതിയുടെ സഹോദരി തന്നെയാണ് ഇരുവര്‍ക്കെതിരേയും പരാതിയുമായി പൊലിസിനെ സമീപിച്ചത്. സംഭവശേഷം കാമുകന്‍ ഒളിവില്‍ പോയിരിക്കുകയാണ്. ഐ.ടി ആക്ട് ഉള്‍പ്പെടെയുള്ള വിവിധ വകുപ്പുകള്‍ പ്രകാരം ഇരുവര്‍ക്കെതിരേയും കേസെടുത്തതായി പൊലിസ് അറിയിച്ചു.