കോട്ടക്കല്‍: സി.ഐ.ടി.യു ജില്ലാ സമ്മേളനത്തോടനുബന്ധിച്ചുള്ള പരിപാടികള്‍ക്ക് ഇന്ന് തുടക്കമാകും. 13,14 തീയതികളിലായി കോട്ടക്കല്‍ രാജാസ് ഹയര്‍സെക്കന്‍ഡറി സ്‌കൂളിലാണു സമ്മേളനം. സ്‌കൂള്‍ പരിസരം പ്രവര്‍ത്തകര്‍ വൃത്തിയാക്കുകയും ചുറ്റുമതില്‍ നിര്‍മിക്കുകയും ചെയ്യും. അവയവദാന ക്യാംപ് 11നു കോട്ടപ്പടിയില്‍ നടക്കും. സമ്മേളനത്തിന്റെ ഭാഗമായി പ്രതിനിധി സമ്മേളനം, പ്രകടനം, പൊതുസമ്മേളനം എന്നിവ നടക്കുമെന്നു ഭാരവാഹികളായ കെ.ടി അലവിക്കുട്ടി, ടി കബീര്‍, എ.പി സത്യനാഥ്, പി ജയരാജന്‍ എന്നിവര്‍ അറിയിച്ചു.