കോഴിക്കോട്: മഞ്ചാടിയില്‍ മാത്യു വധക്കേസിലും കൂടത്തായി കൊലപാതക പരമ്പരയിലെ മുഖ്യപ്രതി ജോളിയുടെ അറസ്റ്റ് രേഖപ്പെടുത്തി.
ഇന്നലെ രാവിലെയാണ് കൊയിലാണ്ടി സി.ഐ.കെ ഉണ്ണികൃഷ്ണന്റെ നേതൃത്വത്തിലുള്ള അന്വേഷണസംഘം കോഴിക്കോട് ജില്ലാ ജയിലിലെത്തി അറസ്റ്റ് രേഖപ്പെടുത്തിയത്. അറസ്റ്റ് രേഖപ്പെടുത്തുന്നതിന് ശനിയാഴ്ച താമരശേരി മുന്‍സിഫ് മജിസ്‌ട്രേറ്റ് കോടതി അനുമതി നല്‍കിയിരുന്നു.
മാത്യു മഞ്ചാടിയില്‍ 2014 ഏപ്രില്‍ 24 നാണ് കൊല്ലപ്പെട്ടത്. അതേസമയം, സിലി വധക്കേസില്‍ ജോളിക്കും മാത്യുവിനും പുറമെ പ്രജികുമാറിനെ കൂടി അന്വേഷണസംഘം പ്രതിചേര്‍ത്തു.