ഇരിട്ടി: റാങ്കുകള്‍ ഒന്നൊന്നായി നേടി നാടിനും രാജ്യത്തിനും അഭിമാനമായ റാങ്കുകളുടെ കളിത്തോഴന് അഭിനന്ദനങ്ങളുമായി ആരോഗ്യ വകുപ്പ് മന്ത്രി കെ.കെ ശൈലജയെത്തി. മെഡിക്കല്‍ പ്രവേശനത്തിനായുള്ള അഖിലേന്ത്യാ പ്രവേശന പരീക്ഷയായ നീറ്റില്‍ ദേശീയ തലത്തില്‍ ആറാം റാങ്കും കേരളത്തില്‍ ഒന്നാം റാങ്കും നേടിയ ഇരിട്ടിക്കടുത്ത് മാടത്തി പട്ടാരത്തിലെ മാമൂട്ടില്‍ ഡെറിക് ജോസഫ് എന്ന വിജയ പ്രതിഭയ്ക്ക് അഭിനന്ദനവുമായാണ് സംസ്ഥാന ആരോഗ്യ വകുപ്പ് മന്ത്രിയെത്തിയത്
മാടത്തിപട്ടാരത്തുള്ള ഡെറിക് ജോസഫിന്റെ വീട്ടിലെത്തിയാണ് മന്ത്രി അഭിനന്ദനമറിയിച്ചത്.
 ഇന്നലെ രാവിലെ 11 മണിയോടെ 'ഡെറിക്കിന്റെ വീട്ടിലെത്തിയ മന്ത്രി ഡെറിക്കിന്റെ കൈ പിടിച്ചു അഭിനന്ദനമറിയിച്ചു ഒപ്പം ഉപഹാരവും കൈമാറി  .പഠിച്ചു മിടുക്കനായി ഡോക്ടറായി പുറത്തു വരുമ്പോള്‍ സര്‍ക്കാര്‍ സര്‍വിസില്‍ ചേര്‍ന്ന് പൊതുജനങ്ങളെ സേവിക്കാനുള്ള നല്ല കരുണയുള്ള മനസ് കാട്ടണമെന്ന അധ്യാപിക കൂടിയായ മന്ത്രിയുടെ ഉപദേശത്തിന് ഒട്ടും താമസിയാതെ ഡെറിക്കിന്റെ മറുപടിയുമെത്തി; എന്റെ സേവനവും പ്രവര്‍ത്തനവും സര്‍ക്കാര്‍ സര്‍വിസില്‍ തന്നെ ഉറപ്പ് ' മറുപടിക്ക് വീണ്ടും ടീച്ചറുടെ അഭിനന്ദനം'' മിടുക്കന്‍ മിടുക്കനായി വളരട്ടെ '
ഡെറിക്കിന്റെ പിതാവ് സഹ: വകുപ്പ് അസി: ഡയറക്ടര്‍ എം ഡി ജോസഫ്, അമ്മ പായം സര്‍വിസ് സഹ: ബേങ്ക് ഉദ്യോഗസ്ഥ ലിലിയ മാത്യു, ഡെറിക്കിന്റെ സഹോദരങ്ങ ളായ എം.ബി.ബി.എസ് അവസാന വര്‍ഷ വിദ്യാര്‍ഥി ഡേവിഡ് ജോസഫ്, ബിടെക് വിദ്യാര്‍ഥി ജെറാള്‍ഡ് ജോസഫ് എന്നിവരോടും മന്ത്രി കുശലങ്ങള്‍ പങ്കിട്ടു. ഡെറിക്കിന്റെ അമ്മലി ലിയമമന്ത്രിക്കും ഒപ്പമുള്ളവര്‍ക്കും മധുരം വിതരണം ചെയ്തു
പായം പഞ്ചായത്ത് പ്രസിഡന്റ് എന്‍ അശോകന്‍, ജില്ലാ പഞ്ചായത്ത് മെമ്പര്‍ തോമസ് വര്‍ഗീസ്, ബിനോയ് കുര്യന്‍, കെ.ശ്രീധരന്‍ എന്നിവരും മന്ത്രി ശൈലജ ക്കൊപ്പമുണ്ടായിരുന്നു.