ഷില്ലോങ്: ഐ ലീഗില്‍ കഴിഞ്ഞ വര്‍ഷത്തെ ചാംപ്യന്‍മാരെ സമനിലയില്‍ തളച്ച് ഷില്ലോങ് ലജോങ്. ലജോങിന്റെ ഹോം ഗ്രൗണ്ടില്‍ നടന്ന മത്സരത്തിലാണ് മിനര്‍വ പഞ്ചാബിനെ 2-2 എന്ന സ്‌കോറിന് സമനിലയില്‍ തളച്ചത്. ജയത്തോടെ ആറു മത്സരങ്ങളില്‍ നിന്ന് നാലു പോയിന്റുമായി ലജോങ് പട്ടികയില്‍ ഒരു പടി മുന്നിലേക്ക് കയറി ഒന്‍പതാം സ്ഥാനത്തെത്തി. അപ്രതീക്ഷിത സമനില പിണഞ്ഞ മിനര്‍വ അഞ്ച് മത്സരത്തില്‍നിന്ന് അഞ്ച് പോയിന്റുമായി ഏഴാം സ്ഥാനത്ത് തന്നെ തുടരുന്നു. കഴിഞ്ഞ വര്‍ഷത്തെ ചാംപ്യന്‍മാരായ മിനര്‍വക്ക് പുതിയ സീസണില്‍ കാര്യമായ നേട്ടങ്ങളൊന്നും നേടാനായിട്ടില്ല. അഞ്ച് മത്സരം കളിച്ച മിനര്‍വക്ക് ഒരു മത്സരത്തില്‍ മാത്രമാണ് ജയിക്കാനായത്. ബാക്കി രണ്ട് വീതം മത്സരങ്ങളില്‍ തോല്‍വിയും സമനിലയുമാണ് പുതിയ സീസണിലെ സമ്പാദ്യം.