തിരുവനന്തപുരം: സിഗ്നല്‍ തകരാറിനെ തുടര്‍ന്ന് തിരുവനന്തപുരത്ത് നിന്നു പുറപ്പെടേണ്ടതും തിരുവനന്തപുരത്ത് എത്തിച്ചേരേണ്ടതുമായട്രെയിനുകള്‍ മണിക്കൂറുകള്‍ വൈകി.
ഇന്നലെ ഉച്ചയ്ക്കു ശേഷം മൂന്നരയോടെ കൊച്ചുവേളിയിലെ സിഗ്നലാണ് തകരാറിലായത്. ആദ്യം തകരാര്‍ ഉടന്‍തന്നെ പരിഹരിച്ചെങ്കിലും അല്‍പസമയത്തിനു ശേഷം വീണ്ടും തകരാറിലായി. വൈകിട്ട്് മൂന്നിന് കൊല്ലത്ത് നിന്ന് തിരുവനന്തപുരം വഴി ചെന്നൈയിലേക്ക് പുറപ്പെട്ട അനന്തപുരി എക്‌സ്പ്രസ് രാത്രി ഏഴു മണിയോടെയാണ് തിരുവനന്തപുരത്ത് എത്തിയത്.
കഴക്കൂട്ടത്തും കൊച്ചുവേളിയിലും ഒരു മണിക്കൂറോളം ട്രെയിന്‍ പിടിച്ചിട്ടു. തൊട്ടുപുറകേയെത്തിയ മധുര പാസഞ്ചര്‍, ശബരി എക്‌സപ്രസ്, നേത്രാവതി എക്‌സ്പ്രസ്, പരശുറാം തുടങ്ങിയ ട്രെയിനുകളും വിവിധ സ്റ്റേഷനുകളില്‍ മണിക്കൂറുകളോളം പിടിച്ചിട്ടു. തിരുവനന്തപുരം മുതല്‍ എറണാകുളം വരെ ട്രെയിന്‍ ഗതാഗതം താറുമാറായി. രാത്രി ഏഴരയ്ക്കാണു സിഗ്നല്‍ പൂര്‍വസ്ഥിതിയിലായത്.