വടകര: ഓര്‍ക്കാട്ടേരി റോട്ടറി ക്ലബിന്റെ പുതിയ ഭാരവാഹികള്‍ ചുമതലയേറ്റു. മാവുള്ളതില്‍ ഇബ്രാഹിം ഹാജി മെമ്മോറിയല്‍ ഹാളില്‍ നടന്ന ചടങ്ങില്‍ റോട്ടറി ഡിസ്ട്രിക്ട് ഗവര്‍ണര്‍ (ഇലക്ട) ഡോ. ഉമ്മര്‍ മുഖ്യാതിഥിയായി.
ഓര്‍ക്കാട്ടേരി കെ.കെ.എം.ജി.എച്ച്.എസ്.എസിലെ പ്രതിഭകള്‍ക്ക് മാസ്റ്റര്‍ ഗൗതം മെമ്മോറിയല്‍ ക്യാഷ് അവാര്‍ഡുകള്‍ നല്‍കി.
റോട്ടറി അംഗങ്ങളുടെ മക്കള്‍ക്കുള്ള പുരസ്‌കാരങ്ങളും വിതരണം ചെയ്തു. ഓര്‍ക്കാട്ടേരി റോട്ടറിയുടെ മുഖപത്രമായ വോയ്‌സിന്റെ പ്രകാശനം സോണല്‍ കോ-ഓര്‍ഡിനേറ്റര്‍ ചന്ദ്രന്‍ നിര്‍വഹിച്ചു.
പുതിയ പ്രസിഡന്റായി വി.പി ഹേമചന്ദ്രനും സെക്രട്ടറിയായി കെ. പത്മനാഭനും ചുമതലയേറ്റു. റോട്ടറി ഡിസ്ട്രിക്ട് ഭാരവാഹികളായ ഡോ. അബ്ദുല്ല, കെ. ചന്ദ്രന്‍, ടി. പത്മനാഭന്‍, പട്ടറത്ത് രവീന്ദ്രന്‍ സംസാരിച്ചു. ചള്ളയില്‍ രവീന്ദ്രന്‍ സ്വാഗതവും കെ. പത്മനാഭന്‍ നന്ദിയും പറഞ്ഞു.