കല്‍പ്പറ്റ: പുല്‍പ്പള്ളി പഴശ്ശിരാജാ കോളജിലെ പി.ജി വിദ്യാര്‍ഥിനികള്‍ക്ക് ക്ലാസ്മുറിയില്‍വച്ച് മദ്യം നല്‍കിയതിന്റെ പേരില്‍ എസ്.എഫ്.ഐ നേതാവിനെതിരെ കോളജ് അധികൃതര്‍ നടപടി സ്വീകരിച്ച സാഹചര്യത്തില്‍ എസ്.എഫ്.ഐ നിലപാട് വ്യക്തമാക്കണമെന്ന് കെ.എസ്.യു ജില്ലാകമ്മിറ്റി ആവശ്യപ്പെട്ടു.
അധാര്‍മിക പ്രവര്‍ത്തനങ്ങളിലൂടെയും അക്രമത്തിലൂടെയുമാണ് എസ്.എഫ്.ഐ സംഘടന വളര്‍ത്താന്‍ ശ്രമിക്കുന്നതെന്നതിന്റെ ഉദാഹരണമാണ് പഴശ്ശിരാജാ കോളജ് സംഭവമെന്ന് യോഗം അഭിപ്രായപ്പെട്ടു.
ജില്ലാ പ്രസിഡന്റ് അമല്‍ ജോയ് അധ്യക്ഷനായി. അജിത് ജെയിംസ്, എം.ജെ അജിത്, നിഖില്‍ തോമസ്, അമല്‍ പങ്കജാക്ഷന്‍, ജസ്റ്റിന്‍ പോള്‍, ഷൈജിത് സി.എം, അര്‍ജുന്‍ പോള്‍, യൂനുസ് അലി, ശ്രീഹരി സംസാരിച്ചു.