എടക്കര: തണ്ണിക്കടവിലെ കല്ലായി പൊട്ടിയിലും മദ്ദളപ്പാറയിലും ജനവാസകേന്ദ്രത്തില്‍ ആനയിറങ്ങി കൃഷി നശിപ്പിച്ചു. പാലത്തിങ്കല്‍ അയ്യപ്പന്‍, കാശി റോഡ് പൂക്കോയ, കളത്തിപടി മജീദ്, പട്ടത്ത് കുഞ്ഞാണി, വാഴത്തെടിക ഇമ്മു, വട്ടത്തില്‍ കുഞ്ഞാണി, ഷംസുദ്ദീന്‍ കുന്നന്‍ എന്നിവരുടെ തെങ്ങ്, കവുങ്ങ്, റബര്‍, കശുമാവ് എന്നീ വിളകളാണ് നശിപ്പിച്ചത്.
വനാതിര്‍ത്തിയില്‍ കമ്പിവേലി സ്ഥാപിക്കണമെന്ന നാട്ടുകാരുടെ ആവശ്യം ഏറെ നാളായിട്ടും അധികൃതര്‍ പരിഗണിച്ചിട്ടില്ല. പ്രദേശത്ത് ശുദ്ധജലമെത്തിക്കുന്നതിനായി സ്ഥാപിച്ച പൈപ്പും ആനക്കൂട്ടം തകര്‍ത്തിട്ടുണ്ട്.