കൊല്ലം: പുനലൂരില്‍ പതിനാറുകാരിയെ വീട്ടിനുള്ളില്‍ ദുരൂഹസാഹചര്യത്തില്‍ തൂങ്ങി മരിച്ച നിലയില്‍ കാണപ്പെട്ടു. മരണത്തില്‍ ദുരൂഹതയുള്ളതായി സംശയമുയര്‍ന്നിട്ടുണ്ട്. പിറവന്തൂര്‍ വെട്ടിത്തിട്ട സ്വദേശിനിയെയാണ് കിടപ്പുമുറിയില്‍ തൂങ്ങിമരിച്ച നിലയില്‍ ഇന്നു രാവിലെ കാണപ്പെട്ടത്.

രണ്ടു വാതിലുള്ള മുറിയുടെ ഒരു വാതില്‍ പുറത്തേക്കു തുറന്നുകിടന്നിരുന്നു. പെണ്‍കുട്ടിയുടെ കഴുത്തിലും ശരീരത്തിലും മുറിവുകള്‍ കാണപ്പെട്ടതായി പൊലിസ് പറഞ്ഞു. കലഞ്ഞൂര്‍ ഗവ. എച്ച്.എസ്.എസിലെ വിദ്യാര്‍ഥിനിയാണ്. ഒരു സഹോദരിയുണ്ട്. പൊലിസ് കേസെടുത്തു അന്വേഷണം ആരംഭിച്ചു.