ആളൂര്‍: തുമ്പൂര്‍ സ്വദേശി ചൂണ്ടപറമ്പില്‍ ജിംസനെ(47) കത്തിയും കുറുവടിയും ഉപയോഗിച്ച് കൊലപ്പെടുത്താന്‍ ശ്രമിച്ച കേസില്‍ മൂന്നു പേരെ ആളൂര്‍ പൊലിസ് അറസ്റ്റ് ചെയ്തു. തുമ്പൂര്‍ സ്വദേശികളായ കണ്ണമ്പുഴ റിജോയ് (41), തോപ്പില്‍ സുമോദ് (42), കക്കര രഘു(50) എന്നിവരെയാണ് എസ്.ഐ വി.വി വിമലിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. സെപ്റ്റംബര്‍ മൂന്നിനാണു കേസിനാസ്പദമായ സംഭവം നടന്നത്. കഴിഞ്ഞ വര്‍ഷം തുമ്പൂര്‍ പള്ളിപെരുന്നാളിനു ജിംസണ്‍ റിജോയിയെ കുത്തിപരുക്കേല്‍പ്പിച്ചിരുന്നു.
അതിന്റെ വൈരാഗ്യത്തിലാണു പ്രതികള്‍ ബൈക്കില്‍ പോവുകയായിരുന്ന ജിംസണെ തുമ്പൂര്‍ പീച്ചനങ്ങാടി വഴിയില്‍വച്ചു തടഞ്ഞുനിര്‍ത്തി ആക്രമിച്ചത്. മാരകമായ പരുക്കേറ്റ ജിംസണ്‍ തൃശൂരില്‍ സ്വകാര്യ ആശുപത്രിയില്‍ ചികിത്സയിലായിരുന്നു.
ഡിവൈ.എസ്.പി സി.ആര്‍ സന്തോഷിന്റെ നിര്‍ദേശപ്രകാരം പ്രത്യേക സ്‌ക്വാഡ് അംഗങ്ങളായ എസ്.ഐ വത്സകുമാര്‍, എ.എസ്.ഐമാരായ സി.കെ സുരേഷ്, ഗ്ലാഡിന്‍ ഫ്രാന്‍സിസ്, സി.പി.ഒ സതീശന്‍ മഠപ്പാട്ടില്‍ എന്നിവരടങ്ങിയ സംഘമാണു പ്രതികളെ പിടികൂടിയത്.