ആമ്പല്ലൂര്‍:  അളഗപ്പ നഗര്‍ ഗ്രാമ പഞ്ചായത്ത് ഭരണസമിതി യോഗത്തില്‍ നിന്നും ഇന്നലെ നടന്ന യോഗത്തില്‍ നിന്ന് എല്‍.ഡി.എഫ് അംഗങ്ങള്‍ ഇറങ്ങിപ്പോയി.  യു.ഡി.എഫ് ഭരണത്തിലുള്ള പഞ്ചായത്തില്‍ പശ്ചാത്തല മേഖലയിലെ വികസന മുരടിപ്പാണ് ഇറങ്ങിപ്പോക്കിന് കാരണം.  2016-17 സാമ്പത്തിക  വര്‍ഷത്തില്‍ 56  റോഡുകളുടെ നവീകരണത്തിനായി  2.53 കോടി രൂപ ഈ  പഞ്ചായത്തില്‍ വകയിരുത്തിയിരുന്നു.  എന്നാല്‍ അതില്‍ ഒന്നുപോലും ഇതുവരെ സമയബന്ധിതമായി പൂര്‍ത്തിയാക്കാത്ത സാഹചര്യം ചൂണ്ടിക്കാട്ടിയായിട്ടിരുന്നു എല്‍.ഡി.എഫ് അംഗങ്ങള്‍ ഇറങ്ങിപ്പോയത്.