വാഷിങ്ടണ്‍: ചൊവ്വയില്‍ ജീവനുണ്ടോയെന്ന അന്വേഷണം തുടരുന്നതിനിടെ അവിടെ ചെറുപ്രാണികള്‍ പോലെയുള്ള എന്തോ ഉണ്ടെന്നതിന്റെ തെളിവുമായി യു.എസ് ശാസ്ത്രജ്ഞന്‍.
ചൊവ്വയുടെ പ്രതലത്തിലൂടെ സഞ്ചരിക്കുന്നതിനിടെ ചെറുവാഹനമായ റോവര്‍ പകര്‍ത്തിയ ഫോട്ടോകള്‍ പരിശോധിച്ച് ഓഹിയോ സര്‍വകലാശാലയിലെ ഗവേഷകനായ പ്രൊഫ.എമരിറ്റസ് വില്യം റൊമോസറാണ് ഈയൊരു നിഗമനത്തിലെത്തിയത്. തേനീച്ച പോലെ തോന്നിക്കുന്ന പ്രാണിയോ ഉരഗമോ ആണ് ഫോട്ടോയിലുള്ളത്.പ്രാണിയുടെ കാല്, ചിറക് എന്നിവയെല്ലാം ദൃശ്യത്തിലുണ്ടെന്നും അദ്ദേഹം പറയുന്നു.