മഹാരാഷ്ട്ര: നാഗ്പൂരിലെ ആര്‍.എസ്.എസ് ആസ്ഥാനം സന്ദര്‍ശിച്ച് വിവാദ പുരാവസ്തു ഗവേഷകന്‍ ഡോ. കെ.കെ മുഹമ്മദ്. ആര്‍.എസ്.എസ് കാര്യവാഹക് വി ഭാഗയ്യയോടൊപ്പമാിരുന്നു സന്ദര്‍ശനം.ആര്‍.എസ്.എസ് സ്ഥാപകന്‍ ഡോ. കെ ബി ഹെഡ്‌ഗെവാറിന്റെ സ്മൃതി മന്ദിരവും ആര്‍എസ്എസിന്റെ പരിശീലന കേന്ദ്രവും മുന്‍ സര്‍ സംഘ്ചാലക്മാരുടെ ശവകുടീരങ്ങളും മുഹമ്മദ് സന്ദര്‍ശിച്ചു.

നാഗ്പൂരില്‍ ക്ലാസ്സെടുക്കാന്‍ പോയതായിരുന്നുവെന്നും അവിടെ എത്തിയ തന്നെ ആര്‍.എസ്.എസ് നേതാക്കള്‍ ആസ്ഥാനത്തേക്ക് ക്ഷണിക്കുകയായിരുന്നെന്നും മുഹമ്മദ് പറഞ്ഞു. ആസ്ഥാന മന്ദിരം സന്ദര്‍ശിച്ചത് നല്ല അനുഭവമായിരുന്നെന്ന് അദ്ദേഹം കൂട്ടിച്ചേര്‍ത്തു. വി ഭാഗയ്യ കെ കെ മുഹമ്മദിന് ഉപഹാരം നല്‍കി ആദരിച്ചു.

മലയാളി പുരാവസ്തു വിദഗ്ധന്‍ കെ കെ മുഹമ്മദ് അയോധ്യയുമായി ബന്ധപ്പെട്ട് നിരവധി കള്ളങ്ങള്‍ പ്രചരിപ്പിച്ചിരുന്നതായി ചരിത്രകാരനും ഡല്‍ഹി സര്‍വകലാശാലയിലെ ചരിത്രവിഭാഗം മുന്‍ മേധാവിയുമായ ഡി എന്‍ ഝാ വ്യക്തമാക്കിയിരുന്നു. ബാബരി മസ്ജിദിന് മുമ്പ് അതേ സ്ഥാനത്ത് റാം മന്ദിര്‍ ഉണ്ടായിരുന്നുവെന്ന് കെ.കെ മുഹമ്മദിന്റെ വാദം.