കല്‍പ്പറ്റ: സുല്‍ത്താന്‍ ബത്തേരിയിലെ മാധ്യമ പ്രവര്‍ത്തകന്‍ മധു നടേശിനെ തന്റെ നേതൃത്വത്തില്‍ കൈയേറ്റം ചെയ്തതായി നടത്തുന്ന പ്രചരണം അടിസ്ഥാന രഹിതമാണെന്ന് സി.കെ ശശീന്ദ്രന്‍ എം.എല്‍.എ പ്രസ്താവനയില്‍ പറഞ്ഞു. എസ്.എഫ്.ഐ ജില്ലാ പ്രസിഡന്റ് ഷാഫിയെ ബത്തേരി പൊലിസ് മര്‍ദിച്ച വാര്‍ത്തയെ തുടര്‍ന്നാണ് വെള്ളിയാഴ്ച വൈകുന്നേരം സ്‌റ്റേഷനിലെത്തിത്. പൊലിസിനെതിരേ ജനങ്ങളുടെ ശക്തമായ പ്രതിഷേധം നടക്കുന്നതിനിടെ അവിടെയെത്തിയ താന്‍ പൊലിസ് അധികാരികളുമായി സംസാരിക്കുന്നതിന്റെ ദൃശം ഫോട്ടോയില്‍ പകര്‍ത്താന്‍ മധു ശ്രമിക്കുന്നതിനിടെയാണ് അദ്ദേഹത്തെ കൈയേറ്റം ചെയ്യാന്‍ ആള്‍ക്കൂട്ടത്തിനിടയില്‍ ആരോ ശ്രമിച്ചത്. സ്ഥലത്തുണ്ടായിരുന്ന സി.പി.എം പ്രവര്‍ത്തകര്‍ തന്നെയാണ് മധുവിനെ സംരക്ഷിച്ചത്. മധു മാധ്യമപ്രവര്‍ത്തകനാണെന്ന് അറിഞ്ഞയുടനെ സംഭവസ്ഥലത്ത് വെച്ച് തന്നെ ഞാനും മറ്റ് പാര്‍ട്ടി നേതാക്കളും മധുവിനോട് സംസാരിക്കുകയും സംഭവം ദൗര്‍ഭാഗ്യകരമായി പോയി എന്ന് പറയുകയും ചെയ്തതാണെന്നും എം.എല്‍.എ പ്രസ്താവനയില്‍ പറഞ്ഞു.