വടകര: വില്യാപ്പള്ളി പഞ്ചായത്തിലെ മയ്യന്നൂര്‍ വൈക്കിലശേരി റോഡില്‍ സി.പി.എം-ലീഗ് സംഘര്‍ഷം. അകമത്തില്‍ സി.പി.എം ബ്രാഞ്ച് സെക്രട്ടറി ഉള്‍പ്പെടെ മൂന്നു പേര്‍ക്ക് പരുക്കേറ്റു. ഇതിന്റെ തുടര്‍ച്ചയായി ലീഗ് വൈക്കിലശ്ശേരി ശാഖാ ഓഫിസിനു തീയിട്ടു.
തീപടര്‍ന്നത് പരിസരവാസികകളുടെ ശ്രദ്ധയില്‍പെട്ടതിനാല്‍ ഉടന്‍ തീയണച്ചു. ഓഫിസില്‍ തൂക്കിയ യുവജനയാത്രയുടെ ബോര്‍ഡിനാണ് തീയിട്ടത്. ഓഫിസിലേക്ക് തീപടര്‍ന്ന് വരാന്തയിലെ കൊടിതോരണങ്ങള്‍ ഉള്‍പ്പെടെ നശിച്ചു.
സി.പി.എം ബ്രാഞ്ച് സെക്രട്ടറി കുനിയില്‍ ശ്രീജിത്ത്, വൈഷ്ണവ്, അര്‍ജുന്‍ എന്നിവര്‍ക്കാണ് നേരത്തെയുണ്ടായ അക്രമത്തില്‍ പരുക്കേറ്റത്. ഇവരെ വടകര ജില്ലാ ആശുപ്രതിയില്‍ പ്രവേശിപ്പിച്ചു.
ഇതിനു പിന്നാലെയാണ് ലീഗ് ഓഫിസിനു നേരെ തീവയ്പുണ്ടായത്. വടകര എസ്.ഐ ജീവന്‍ ജോര്‍ജ്ജിന്റെ നേതൃത്വത്തിലുള്ള പൊലിസ് സംഘം സ്ഥലം സന്ദര്‍ശിച്ചു.