മട്ടന്നൂര്‍: നഗരസഭയിലെ പുതിയ വാര്‍ഡാണ് ആറാം വാര്‍ഡായ കല്ലൂര്‍. ആണിക്കരി, ഉത്തിയൂര്‍, മരുതായി വാര്‍ഡുകളുടെ ഭാഗങ്ങള്‍ കൂട്ടിച്ചേര്‍ത്താണു പുതുതായി കല്ലൂര്‍ വാര്‍ഡ് രൂപീകരിച്ചത്. വനിതാ സംവരണമായ വാര്‍ഡില്‍ 962 വോട്ടര്‍മാരുണ്ട്. വാര്‍ഡില്‍ സി.പി.എമ്മിനു സ്വാധീനമുള്ള മേഖലകളുണ്ടെങ്കിലും ഇരുമുന്നണികളും തങ്ങള്‍ക്കു സ്വാധീനമുണ്ടെന്ന് അവകാശവാദം ഉന്നയിക്കുന്നു. ബി.ജെ.പിക്കു പുതിയ വാര്‍ഡില്‍ പ്രതീക്ഷയുണ്ട്. സി.പി.എമ്മിലെ എന്‍.പി സുജാത, കോണ്‍ഗ്രസിലെ വസന്തരേഖ എന്നിവര്‍ തമ്മിലാണു പ്രധാന മത്സരം. എന്‍.ഡി.എയിലെ എന്‍. വിജിലയും മത്സര രംഗത്തുണ്ട്.