ചേര്‍ത്തല: ദേശീയപാത ചേര്‍ത്തല എക്‌സറെ ജങ്ഷനില്‍ ട്രാഫിക് പൊലിസ് സ്ഥാപിച്ചിട്ടുള്ള കാമറാ ക്ലാമ്പ് ഇളകി നിലത്തേക്ക് തൂങ്ങി കിടക്കുന്നു.
ഇവിടെ സ്ഥാപിച്ചിട്ടുള്ള നാല് കാമറാകളില്‍ ഒന്നാണ് തൂങ്ങിയ നിലയിലുള്ളത്. മറ്റുള്ളവയും ശരിയാംവണ്ണമല്ല നില്‍ക്കുന്നത്. രണ്ടു കാമറകള്‍ നിലത്തോട്ട് കുത്തി ദൂര കാഴ്ച ലഭിക്കാത്തവിധമാണ്.
കാമറകള്‍ ഈ വിധം കാണുവാന്‍ തുടങ്ങിയിട്ട് ആഴ്ചകളായെന്ന് സമീപവാസികള്‍ പറഞ്ഞു. നിരവധി പേര്‍ അപകടത്തില്‍ പെട്ട എക്‌സറെ ജങ്ഷന്‍ തെക്കു നിന്നും നഗരത്തിലേക്കുള്ള പ്രവേശകവാടവുമാണ്. ചേര്‍ത്തല ട്രാഫിക് പൊലിസ് സ്റ്റേഷനില്‍ നിന്ന് 100 മീറ്റര്‍ മാത്രം അകലെയുള്ള നഗരത്തിലെ പ്രധാന ജങ്ഷനില്‍ അധികൃതരുടെ അനാസ്ഥ മൂലം അപകടം ക്ഷണിച്ചു വരുത്തുകയാണെന്ന് ആക്ഷേപമുണ്ട്.