വാടാനപ്പള്ളി : ഏങ്ങണ്ടിയൂര്‍ തിരുമംഗലം ശ്രീ മഹാവിഷ്ണു ശിവക്ഷേത്രത്തില്‍ നടന്ന മഹാഗണപതിഹോമവും ആനയൂട്ടും ഭക്തിസാന്ദ്രമായി. മഹാഗണപതി ഹോമത്തിന് മേല്‍ശാന്തി സജീവ് എമ്പ്രാന്തിരി മുഖ്യ കാര്‍മികത്വം വഹിച്ചു. തുടര്‍ന്ന് മേല്‍ശാന്തി ആദ്യ ഉരുള നല്‍കി ആനയൂട്ടിന് തുടക്കം കുറിച്ചു. തുടര്‍ന്ന് അന്നദാന വിതരണവും നടന്നു. ബാലസാഹിത്യകാരന്‍ രാജന്‍ കോട്ടപ്പുറത്തിന്റെ നേതൃത്വത്തില്‍ ക്ഷേത്രാങ്കണത്തില്‍ നടന്ന രാമായണ ക്വിസ് മത്സരത്തില്‍ അന്‍പതോളം വിദ്യാര്‍ഥികള്‍ പങ്കെടുത്തു. ഏങ്ങണ്ടിയൂര്‍ സരസ്വതി വിദ്യാനികേതന്‍ സ്‌കൂള്‍ ഒന്നും രണ്ടും മൂന്നും സ്ഥാനങ്ങള്‍ നേടി. കീഴ്ശാന്തി വെങ്കിട്ടരമണന്‍ എമ്പ്രാന്തിരി, ജയന്‍ എമ്പ്രാന്തിരി, ആദിത്യന്‍ എമ്പ്രാന്തിരി എന്നിവര്‍ ചടങ്ങുകള്‍ക്ക് നേതൃത്വം നല്‍കി.