ചേലേമ്പ്ര: പണ്ഡിതന്മാര്‍ പൊതു സമൂഹത്തിന് വഴികാട്ടികളാകണമെന്ന് സയ്യിദ് മുഹമ്മദ് കോയ തങ്ങള്‍ ജമലുല്ലൈലി. ചേലേമ്പ്ര പാറയില്‍ മന്‍ഹജ് നഗറില്‍ നാല് ദിവസങ്ങളിലായി നടത്തപ്പെടുന്ന ചേലേമ്പ്ര മന്‍ഹജുര്‍ റശാദ് ഇസ്‌ലാമിക് കോളജിന്റെ 15-ാം വാര്‍ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു കോളജിന്റെ പ്രിന്‍സിപ്പല്‍ കൂടിയായ തങ്ങള്‍.
ഇന്നലെ ഉച്ചക്ക് രണ്ടണ്ടിന് മന്‍ഹജ് സ്ഥാപകന്‍ ഹാജി കെ. അബ്ദുല്‍ ഖാദര്‍ മുസ്‌ലിയാരുടെ നേതൃത്വത്തില്‍ 14 പ്രമുഖ വ്യക്തിത്വങ്ങളും 15 പതാകകള്‍ ഉയര്‍ത്തിയതോടെയാണ് പരിപാടിക്ക് തുടക്കമായത്. വൈകിട്ട് നടന്ന ഉദ്ഘാടന സമ്മേളനത്തില്‍ മന്‍ഹജ് പ്രിന്‍സിപ്പല്‍ മന്‍ഹജ് വര്‍ക്കിങ് പ്രിന്‍സിപ്പല്‍ നൗഫല്‍ ഹുദവി തിരുവള്ളൂര്‍ അധ്യക്ഷനായി.
മന്‍ഹജ് വിദ്യാര്‍ഥി കൂട്ടായ്മ മിസ്ബാഹ് പുറത്തിറക്കിയ 'കര്‍മശാസ്ത്രത്തിലെ സ്ത്രീ' എന്ന പുസ്തകം ഇസ്ഹാഖ് ബാഖവി ചെമ്മാട് എം.കെ ബാവ ഹാജിക്ക് നല്‍കി പ്രകാശനം ചെയ്തു.
തുടര്‍ന്ന് മജ്‌ലിസുന്നൂര്‍ ആത്മീയ സംഗമത്തിനും മതപ്രഭാഷണത്തിനും ഷാജഹാന്‍ റഹ്മാനി കംബ്ലക്കാട് നേതൃത്വം നല്‍കി. ഹാജി കെ. അബ്ദുല്‍ ഖാദര്‍ മുസ്‌ലിയാര്‍, സി.എന്‍ ഹുസൈന്‍ ഹാജി, മുഹമ്മദ് രാമന്തളി, കുറ്റീരി അസീസ് ഹാജി, കടക്കോട്ടീരി ബാവ ഹാജി, സി. മുഹമ്മദ് ഹാജി, കെ. കുഞ്ഞാലന്‍ കുട്ടി മാസ്റ്റര്‍, എം.വി അബ്ദുള്ള ഹാജി, കെ.കെ കുഞ്ഞാമു ഹാജി, ചാമയില്‍ ബാവ ഹാജി, വി.എ ലത്തീഫ്, സി.എം ഹമീദ്, പി. അബ്ദുല്‍ ഗഫൂര്‍ മാസ്റ്റര്‍ പങ്കെടുത്തു.