എരുമപ്പെട്ടി: ബാലസംഘം എരുമപ്പെട്ടി മേഖല കമ്മിറ്റിയുടെ നേത്യത്വത്തില്‍ ഹിരോഷിമനാഗസാക്കി ദിനാചരണം സംഘടിപ്പിച്ചു.നെല്ലുവായ് ഗ്രാമീണ വായനശാലയില്‍ വെച്ച് നടന്ന ചടങ്ങ് എരുമപ്പെട്ടി ഗവ ഹയര്‍സെക്കന്‍ഡറി സ്‌കൂള്‍ റിട്ടയേര്‍ഡ് പ്രധാന അധ്യാപിക എം.സി.സുഭാഷിണി ഉദ്ഘാടനം ചെയ്തു. സ്വാതി ബാലകൃഷ്ണന്‍ അധ്യക്ഷയായി. എരുമപ്പെട്ടി പഞ്ചായത്ത് സര്‍വീസ് സഹകരണ ബാങ്ക് പ്രസിഡന്റ് കെ.സി ഫ്രാന്‍സിസ്,സി.പി.എം.ലോക്കല്‍ കമ്മിറ്റി സെക്രട്ടറി കെ.എം അഷറഫ്, പ്രദീപ് നമ്പീശന്‍, എന്‍.എസ്.അക്ഷയ്, സിന്ധുക്യഷ്ണന്‍ തുടങ്ങിയവര്‍ സംസാരിച്ചു.ചടങ്ങില്‍ ജില്ലാതല തായ്ക്വാണ്ടോ മത്സരത്തില്‍ സ്വര്‍ണ്ണമെഡല്‍നേടിയ അശ്വതിയെ അനുമോദിച്ചു.
ചെറുതുരുത്തി:   യുദ്ധ കൊതിക്കെതിരേ കുരുന്നുകള്‍ ഐക്യരാഷ്ട്ര സഭ സെക്രട്ടറി ജനറലിന്  കത്തെഴുതി  ഹിരോഷിമ ദിനം ആചരിച്ചു.  ചെറുതുരുത്തി ഗവണ്‍മെന്റ്  എല്‍.പി  സ്‌കൂളിലെ കുട്ടികളാണ് തങ്ങളെഴുതിയ  കത്തുകള്‍  പ്രതീകാത്മകമായി തപാല്‍ പെട്ടിയില്‍ പോസ്റ്റ് ചെയ്തത.്   
യുദ്ധവിരുദ്ധ റാലിയും  നടന്നു. സമാധാന സന്ദേശങ്ങള്‍ ഉള്‍പ്പെടുത്തിയ പ്ലക്കാര്‍ഡുകളേന്തി വിദ്യാര്‍ഥികള്‍ റാലിയില്‍ അണിനിരന്നു. കുട്ടികള്‍ നിര്‍മ്മിച്ച  സുഡാക്കോ  കൊക്കുകള്‍ യുദ്ധ വിരുദ്ധ  പ്രതീകമായ മരത്തില്‍ പ്രദര്‍ശിപ്പിച്ചു.
 പ്രധാന അധ്യാപിക ഇന്‍ചാര്‍ജ്  ജമീല, അധ്യാപകരായ ബീന, ശ്രീദേവി, കനകലത മുന്‍ പ്രധാന അധ്യാപിക ടി.യു പ്രസന്ന  തുടങ്ങിയവര്‍ നേതൃത്വം നല്‍കി.