മഞ്ചേരി: പുല്‍പ്പറ്റ പഞ്ചായത്തിലെ പ്രഥമ വിദ്യാലയമായ തൃപ്പനച്ചി എ.യു.പി സ്‌കൂളില്‍ പുതിയ കെട്ടിടത്തിന് പാണക്കാട് സയ്യിദ് സാദിഖലി ശിഹാബ് തങ്ങള്‍ ശിലാസ്ഥാപനം നടത്തി.
ചടങ്ങില്‍ ഹിരോഷിമാദിനത്തിന്റെ സ്മരണാര്‍ഥം ലോകസമാധാനത്തിനായി സ്‌കൂള്‍ അങ്കണത്തില്‍ ആയിരം വെള്ളക്കൊക്കുകളെ നിര്‍മിച്ച വിദ്യാര്‍ഥികളെയും അഞ്ചാം ക്ലാസിലെ സാമൂഹ്യശാസ്ത്രത്തിലെ വിവിധ അധ്യായങ്ങള്‍ ഡിജിറ്റലൈസ് ചെയ്ത് ആല്‍ബമാക്കിയ വിദ്യാര്‍ഥി എസ് സിദ്ധാര്‍ഥിനെയും ആദരിച്ചു. റിയോ ഒളിമ്പിക്‌സ് വിളംബരമായ  മാരത്തോണ്‍  മത്സരത്തിലെ വിജയികള്‍ക്ക് സമ്മാനദാനം നടത്തി.
പി.ഉബൈദുള്ള എംഎല്‍എ അധ്യക്ഷനായി. പുല്‍പ്പറ്റ പഞ്ചായത്ത് പ്രസിഡന്റ് കെ. സൈനബ, വൈസ് പ്രസിഡന്റ് പി.സി അബ്ദുറഹ്മാന്‍, പി.ടി.എ പ്രസിഡന്റ് ബാവ വിസപ്പടി തുടങ്ങിയവര്‍ പങ്കെടുത്തു.