വൈക്കം: നിയന്ത്രണംവിട്ട കാര്‍ റോഡരികില്‍ പാര്‍ക്കുചെയ്തിരുന്ന ടൂവീലറില്‍ ഇടിച്ചശേഷം പെട്ടിക്കടയിലേയ്ക്ക് ഇടിച്ചുകയറി. കടയില്‍ വെള്ളം കുടിച്ചുകൊണ്ടിരുന്നവരടക്കം ഏഴു പേര്‍ക്ക് പരുക്കേറ്റു.
കാര്‍ ഡ്രൈവര്‍ വൈക്കം പൊലിസ് ക്വാര്‍ട്ടേഴ്‌സ് റോഡില്‍ ശ്രുഹിതം സുദര്‍ശനന്‍ (63), മാതാവ് ദേവയാനി (58), മുറിഞ്ഞുപുഴ സ്വദേശി ശരത്ത് (25), ആലുവ കാലടി കരക്കാട്ടുപറമ്പില്‍ അരുണ്‍ (30), കടയുടമ ചെമ്മനത്തുകര കൊച്ചുമരോട്ടിക്കല്‍ ഔസേഫ് (50) ബീഹാര്‍ സ്വദേശി മുഹമ്മദ് ഷഫീക്ക് (29), ചേര്‍ത്തല മുട്ടത്തിപ്പറമ്പ് കരിയില്‍ ശ്രീകുമാര്‍ (38), പെരുമ്പാവൂര്‍ അതാഴിപ്പുഴ ബിനു (40) എന്നിവര്‍ക്കാണ് പരുക്കേറ്റത്. ഇവരെ താലൂക്ക് ആശുപത്രിയില്‍ പ്രവേശിപ്പിച്ചു.
പിന്നീട് ശരത്ത്, അരുണ്‍ എന്നിവരെ എറണാകുളത്തെ ലിസി ആശുപത്രിയിലേക്കും ശ്രീകുമാര്‍, ബിനു എന്നിവരെ കോട്ടയം മെഡിക്കല്‍ കോളജ് ആശുപത്രിയിലേക്കും മാറ്റി.
വൈക്കം ഫയര്‍ അസി. സ്‌റ്റേഷന്‍ ഓഫിസര്‍ ടി. ഷാജികുമാര്‍, ലീഡിങ് ഫയര്‍മാന്‍ ജയകുമാര്‍, സിവില്‍ പൊലിസ് ഓഫിസര്‍മാരായ സ്റ്റാന്‍ലി സേവ്യര്‍, പി.എസ് ജയചന്ദ്രന്‍, ഡ്രൈവര്‍ ബൈജു എന്നിവര്‍ രക്ഷാപ്രവര്‍ത്തനങ്ങള്‍ക്കു നേതൃത്വം നല്‍കി.