ആര്‍പ്പൂക്കര: റിട്ട. എസ്.ഐ മുടിയൂര്‍ക്കര പറയകാവില്‍ ശശിധരന്‍ (62) ന്റെ മരണവുമായി ബന്ധപ്പെട്ട അന്വേഷണത്തില്‍ പൊലിസ് സേനയ്ക്ക് അപമാനം വരുത്തിയെന്ന കാരണത്താല്‍ ഗാന്ധിനഗര്‍ സി.ഐ അനൂപ് ജോസിനെ സസ്‌പെന്റ് ചെയ്തു. ദക്ഷിണമേഖല ഐ.ജിയാണ് സസ്‌പെന്റ് ചെയ്തത്.
ശശിധരന്റെ മരണവുമായി ബന്ധപ്പെട്ട് കസ്റ്റഡിയിലെടുത്ത യുവാവിനെ 24 മണിക്കൂര്‍ ചോദ്യം ചെയ്‌തെങ്കിലും പ്രതിയാണൈന്ന് തെളിയിക്കാന്‍ കഴിഞ്ഞില്ല. അതിനാല്‍ പിന്നീട് എപ്പോള്‍ വിളിച്ചാലും എത്തിച്ചെരണമെന്ന ഉറപ്പില്‍ മേല്‍ സി.ഐ അനൂപ് ജോസ് യുവാവിനെ വിട്ടയക്കുവാന്‍ തീരുമാനിച്ചു. എന്നാല്‍ പൊലിസിന്റെ കണ്ണുവെട്ടിച്ച് അയാള്‍ രക്ഷപ്പെടുകയായിരുന്നു. ഞായറാഴ്ചയാണ് ശശിധരന്‍ കൊല്ലപ്പെട്ടത്.