വാണിമേല്‍: ക്രസന്റ് ഹയര്‍ സെക്കന്‍ഡറി സ്‌കൂള്‍ പത്താംതരം വിദ്യാര്‍ഥികളുടെയും രക്ഷിതാക്കളുടെയും പ്രാദേശിക കൂട്ടായ്മ ലക്ഷ്യംവച്ച് നടത്തുന്ന അയല്‍പക്ക പഠനകേന്ദ്രത്തിന്റെ ഉദ്ഘാടനം ചിയ്യൂരില്‍ ടി.പി അബ്ദുല്‍ കരീം മാസ്റ്റര്‍ നിര്‍വഹിച്ചു. 

പ്രദേശത്തെ ഇരുപതോളം സ്ഥലങ്ങളിലാണ് പഠന കേന്ദ്രങ്ങള്‍ തുടങ്ങുന്നത്. രക്ഷാകര്‍തൃ സംഗമം, മോട്ടിവേഷന്‍ ക്ലാസ്, ട്യൂഷന്‍, എക്‌സാം ഓറിയന്റേഷന്‍, അനുമോദന പരിപാടികള്‍ തുടങ്ങിയവ ഇതിന്റെ ഭാഗമായി നടക്കും.
ടി.കെ അഷ്‌റഫ് അധ്യക്ഷനായി. പ്രധാനാധ്യാപകന്‍ സി.കെ കുഞ്ഞബ്ദുല്ല മാസ്റ്റര്‍ മുഖ്യപ്രഭാഷണം നടത്തി. റഷീദ് കോടിയൂറ പദ്ധതി പരിചയപ്പെടുത്തി. കോ ഓര്‍ഡിനേറ്റര്‍ എം.കെ അബ്ദുല്‍ നാസര്‍ മാസ്റ്റര്‍, കെ.കെ മൊയ്തു മാസ്റ്റര്‍, വി.കെ മുഹമ്മദ് മാസ്റ്റര്‍, അഷ്‌റഫ്, നൗഷാദ്, എ.പി അബൂബക്കര്‍, ലുംഷാദ്, മുഷ്താഖ് സംസാരിച്ചു. സമിതി ചെയര്‍മാനായി കെ.പി സുബൈറിനെയും കണ്‍വീനറായി ടി.കെ അഷ്‌റഫിനെയും തെരഞ്ഞെടുത്തു.
മുഷ്താഖ് അഹമ്മദാണ് സ്റ്റുഡന്റ് ലീഡര്‍. സുബൈര്‍ കെ.പി സ്വാഗതവും എന്‍.കെ ലുംഷാദ് നന്ദിയും പറഞ്ഞു.