ലഖ്‌നൗ: വെസ്റ്റ് ഇന്‍ഡീസിനെതിരായ ഒന്നാം ക്രിക്കറ്റ് ടെസ്്റ്റില്‍ അഫ്ഗാനിസ്ഥാന് ബാറ്റിങ് തകര്‍ച്ച. ആദ്യം ബാറ്റ് ചെയ്ത അഫ്ഗാനിസ്ഥാന്‍ ഒന്നാം ഇന്നിങ്‌സില്‍ 187 റണ്‍സിന് പുറത്തായി. ഏഴ് വിക്കറ്റ് വീഴ്ത്തിയ റഹ്കീം കോണ്‍വാളിന്റെ ബൗളിങ്ങാണ് അഫ്ഗാനിസ്ഥാനെ ചെറിയ സ്‌കോറില്‍ ഒതുക്കിയത്.
മറുപടിക്കിറങ്ങിയ വെസ്റ്റ് ഇന്‍ഡീസ് ആദ്യ ദിനം കളിപിരിയുമ്പോള്‍ ര@ണ്ട് വിക്കറ്റ് നഷ്ടത്തില്‍ 68 റണ്‍സെന്ന നിലയിലാണ്. എട്ട് വിക്കറ്റ് ബാക്കി നില്‍ക്കെ അഫ്ഗാനിസ്ഥാനെക്കാള്‍ 119 റണ്‍സിന് പിന്നിലാണ് വെസ്റ്റ് ഇന്‍ഡീസ്. ടോസ് നഷ്ടപ്പെട്ട് ആദ്യം ബാറ്റ് ചെയ്ത അഫ്ഗാന്‍ നിരയുടെ പ്രതീക്ഷയെല്ലാം കോര്‍വാളിന്റെ ബൗളിങ്ങിന് മുന്നില്‍ തകര്‍ന്നു. 25.3 ഓവറില്‍ 75 റണ്‍സ് വഴങ്ങിയാണ് കോര്‍വാളിന്റെ ഏഴ് വിക്കറ്റ് സ്വന്തമാക്കിയത്. 39 റണ്‍സ് നേടിയ ഓപ്പണര്‍ ജാവേദ് അഹ്മദിയാണ് അഫ്ഗാന്‍ നിരയിലെ ടോപ്‌സ്‌കോറര്‍. വാലറ്റത്ത് അമീര്‍ ഹംസ (34) നടത്തിയ ചെറുത്ത് നില്‍പ്പും അഫ്ഗാന് തുണയായി.