മലപ്പുറം: സ്വാശ്രയമേഖലയിലെ മെഡിക്കല്‍ കോളജ് പ്രവേശനം സംബന്ധിച്ച് സര്‍ക്കാര്‍ ഇറക്കിയ ഉത്തരവ് പിന്‍വലിക്കണമെന്ന് മുസ്‌ലിംലീഗ്. മതസംഘടനകള്‍ക്ക് സീറ്റ് സംവരണം ചെയ്ത് കൊണ്ടുള്ള സര്‍ക്കാര്‍ ഉത്തരവ് ബാലിശവും മാനേജ്‌മെന്റുകള്‍ക്ക് കോഴ വാങ്ങാന്‍ സൗകര്യമൊരുക്കിക്കൊടുക്കുന്നതുമാണെന്ന് ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് മലപ്പുറത്ത് പറഞ്ഞു.

മുസ്‌ലിം സമുദായത്തിനകത്ത് ജാതികളോ ഉപജാതികളോ ഇല്ല. എന്നാല്‍ വിവിധ സംഘടനകളുണ്ട്. അവകളെയെല്ലാം ജാതി സംഘടനകളാക്കി മാറ്റാനുള്ള ദുഷ്ടലാക്കാണ് ഇതിനുപിന്നിലുള്ളത്. ഒരു സംഘടനയിലും അംഗമല്ലാത്തവരും മുസ്‌ലിംകളിലുണ്ട്. ഇവര്‍ക്ക് എങ്ങനെ അഡ്മിഷന്‍ ലഭിക്കുമെന്നും അദ്ദേഹം ചോദിച്ചു.