കശ്മീര്‍: കശ്മീരിലുണ്ടായ ഏറ്റുമുട്ടലില്‍ രണ്ട് ബി.എസ്.എഫ് ജവാന്‍മാരും ഒരു തീവ്രവാദിയും കൊല്ലപ്പെട്ടു.

 നിയന്ത്രണ രേഖക്ക് സമീപമുള്ള മാച്ചിലിലെ ബി.എസ്.എഫ് ക്യാമ്പിന് നേരെ ആയുധധാരികള്‍ അക്രമം നടത്തുകയായിരുന്നു.

ഏറ്റുമുട്ടല്‍ നടന്ന വിവരം ബി.എസ്.എഫ് തെക്കന്‍ കാമാന്‍ഡര്‍ ട്വിറ്ററില്‍ കുറിച്ചതാണ്. പ്രദേശത്ത് തിരച്ചില്‍ തുടരുകയാണ്. സേനയെ അസ്ഥിരപെടുത്താനുള്ള ശ്രമങ്ങളുടെ ഭാഗമായാണ് ഈ അക്രമമെന്ന് ബി.എസ്.എഫ് കാമാന്‍ഡര്‍ പറഞ്ഞു. ശനിയാഴ്ച കുപ് വാര മേഖലയുണ്ടായ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപെട്ടിരുന്നു.