മനാമ : ബഹ്‌റൈനിലെ ഒരു ജയിലിലേയ്ക്ക് മയക്കുമരുന്ന് കടത്താന്‍ ശ്രമിച്ച സന്ദര്‍ശകന്‍ പൊലിസ് പിടിയിലായി. ഇവിടെ ജയിലില്‍ കഴിഞ്ഞിരുന്ന ഒരു സുഹൃത്തിന് വേണ്ടി മയക്കുമരുന്നുമായി എത്തിയതായിരുന്നു സന്ദര്‍ശകന്‍. ഇയാളുടെ പെരുമാറ്റത്തില്‍ സംശയം തോന്നി പരിശോധിച്ചപ്പോഴാണ് കൈവശമുണ്ടായിരുന്ന മയക്കുമരുന്ന് ഉദ്യോഗസ്ഥര്‍ കണ്ടെത്തിയത്.

17 ഗുളികകളാണ് ഇയാളുടെ പക്കല്‍ നിന്നും കണ്ടെത്തിയത്. ജയിലുള്ള തന്റെ സുഹൃത്ത് ഫോണ്‍ ചെയ്ത് ആവശ്യപ്പെട്ടതനുസരിച്ചാണ് താന്‍ മയക്കുമരുന്നുമായി എത്തിയതെന്ന് ഇയാള്‍ പോലീസിനോട് പറഞ്ഞു. അതേ സമയം അന്വേഷണം പുരോഗമിക്കുന്നതിനാല്‍ സന്ദര്‍ശകന്റെയോ പ്രതിയുടെയോ പേരു വിവരങ്ങള്‍ പോലീസ് പുറത്തുവിട്ടിട്ടില്ല.